هر قدم تي حادثو آ، يار تنهن جي شهر ۾، (شفيق شاڪر)

 هر     قدم   تي   حادثو آ، يار تنهن جي شهر ۾،

ڪو نه ڪنهن تي ڀروسو آ، يار تنهن جي شهر ۾.

رات ڪاري  ۽  انڌاري،  ڪو  نه  ڏيئو  ٿو  ٻري،

دل اندر بس  وسوسو آ،  يار  تنهن  جي  شهر ۾.

راه  ساري  راهزن  جي، ڪئي    حوالي   ڀاڳين،

ڇا  عجب  سو سلسلو آ،  يار  تنهن  جي شهر ۾.

جي   ونڊن  ٿا  لال  هيرا، سي  سدائين  سور ۾،

هر  دهشتي   دادلو  آ،  يار تنهن  جي   شهر ۾.

ذهن  ۾ فرعون   آ،   نمرود   آهي    سوچ  ۾،

هر طرف بس ٿرٿلو آ،  يار  تنهن  جي شهر ۾..

ڇا  چوي  شاڪر  ته هاڻي، ڇا   ٿيو   دستور آ،

 قرب  جو نا   قائدو  آ،  يار تنهن جي شهر ۾